काठमाडौँ महानगरपालिका ले सुलभ फार्मेसी सञ्चालन गरेर सस्तो मूल्यमा गुणस्तरीय औषधि बिक्री गर्ने
काठमाडौँ – काठमाडौं महा नगरपालिकाले सुलभ फार्मेसी सञ्चालन गर्न आवश्यक औषधिको प्रकार र मात्रा अध्ययन गर्ने निर्णय गरेको छ।
फार्मेसी कहाँ सञ्चालन गरिने?
महानगरपालिकाले हाल बबरमहल स्थित वडा कार्यालय रहेको भवनमा सुलभ फार्मेसी सञ्चालन गर्नेछ। साथै, एउटा केन्द्रीय फार्मेसी सहित अन्य ५ स्थानमा फार्मेसी खोल्ने योजना छ।
के कस्ता औषधि पाइने?
- सरकारले निःशुल्क उपलब्ध गराउने आधारभूत औषधिहरू
- स्वास्थ्य बिमामा पर्ने औषधिहरू
- बिमामा नपर्ने तर सर्वसुलभ मूल्यमा उपलब्ध गराइने औषधिहरू
जेनेरिक फार्मेसी के हो?
यस फार्मेसीमा औषधिको ब्रान्ड नामको साटो त्यसमा भएका तत्वका आधारमा औषधि दिइनेछ। यसले महँगा ब्रान्डेड औषधि भन्दा सुलभ मूल्यमा औषधि उपलब्ध गराउन सहयोग गर्छ।
औषधि बिक्री कसरी हुनेछ?
डाक्टरको प्रेस्क्रिप्सन आवश्यक पर्ने औषधिहरू (जस्तै: एन्टिबायोटिक, हर्मोन, नार्कोटिक औषधि) सावधानी पूर्वक दिइनेछ। साधारण औषधिहरू (ओभर द काउन्टर) प्रेस्क्रिप्सन बिनै उपलब्ध हुनेछ।
उद्देश्य के?
महा नगरपालिकाले औषधिमा हुने अनावश्यक लागत (थोक, खुद्रा विक्रेता तथा बोनस प्रणालीका कारण बढ्ने मूल्य) हटाएर सर्वसुलभ औषधि उपलब्ध गराउने लक्ष्य राखेको छ। यसले सर्वसाधारणलाई उपचार खर्चमा राहत दिने अपेक्षा गरिएको छ।
डंगोल को नेतृत्वमा समिति गठन
सुलभ फार्मेसी सञ्चालन व्यवस्थापन गर्न महानगर उप प्रमुख सुनिता डंगोलको नेतृत्वमा ४ सदस्यीय समिति बनाइएको छ। यसमा फार्मेसी विज्ञ, स्वास्थ्य विभाग प्रमुख र प्रशासकीय अधिकृत समेत छन्।
भविष्यमा थप फार्मेसी खुल्नेछ?
महानगरले प्रारम्भिक रूपमा नमूना कार्यक्रम अन्तर्गत फार्मेसी सञ्चालन गर्नेछ। अनुभव र आवश्यकता अनुसार भविष्यमा थप स्थानमा फार्मेसी विस्तार गरिने महानगरको योजना छ।
यो पहलले जनतालाई सुलभ मूल्यमा गुणस्तरीय औषधि उपलब्ध गराई स्वास्थ्य सेवा पहुँचयोग्य बनाउन मद्दत गर्ने विश्वास लिइएको छ।
प्रतिक्रिया दिनुहोस