डाउन सिन्ड्रोम पीडित बालबालिकाका लागि वरदान हो, न्युरो डेभलपमेन्ट उपचार
![](https://ap-south-1.linodeobjects.com/nepalhealthpress/2024/03/pexels-antoni-shkraba-6288116-scaled.jpg)
डाउन सिन्ड्रोम एक आनुवंशिक विकार हो, जसले प्रत्येक वर्ष सामान्यतया एक हजार मध्ये एक जना बच्चालाई जन्म को समय प्रभावित गर्छ । यस्तो अवस्थामा बालबालिकाको शारीरिक र मानसिक विकासमा केही समस्या आउँछ । यद्यपि, न्यूरोडेभलपमेन्टल ट्रिटमेन्ट (एनडीटी) भनिने विशेष उपचारले यी बालबालिकाहरूलाई धेरै मद्दत गर्न सक्छ ।
विश्व डाउन सिन्ड्रोम दिवस हरेक वर्ष मार्च २१ मा मनाइन्छ । यस दिनको उद्देश्य डाउन सिन्ड्रोमको बारेमा मानिसहरूलाई सचेत गराउनु र यस अवस्थाबाट पीडित हरू माथि हुने भेदभाव अन्त्य गर्नु हो ।
यस वर्षको विषयवस्तु ‘एन्ड् द स्टीरियोटाइप्स’, अर्थात पूर्वाग्रह लाई समाप्त पारौँ, हो । जसले समाजलाई डाउन सिन्ड्रोम भएका बालबालिकाले केही कुराहरू मात्र सिक्न सक्छन् भन्ने धारणा अन्त्य गर्न आह्वान गर्दछ ।
के हो न्यूरोडेवलपमेन्ट उपचार?
न्यूरोडेवलपमेन्ट उपचार बालबालिकाको समग्र विकासमा मद्दत गर्ने एक व्यापक उपचार हो । यो उपचारले बालबालिकाको मोटर स्किल्स अर्थात् शारीरिक क्रिया लाई गर्ने क्षमता, त्यसमा तालमेल बसाउने र उनीहरूको सम्पूर्ण शारीरिक विकासमा ध्यान दिन्छ । साथै यसले तिनिहरूलाई द्रुत गतिमा चीजहरू सिक्ने र आफ्नो काम आफै गर्न सक्षम बनाउ छ । जसले तिनिहरूको जीवनको गुणस्तर सुधार हुन्छ ।
न्यूरोडेवलपमेन्ट उपचार कसरी काम गर्छ ?
यो उपचार हरेक बच्चाको लागि फरक फरक हुन्छ । डाक्टरहरूले बच्चाहरूको आवश्यकता र उनीहरूको विकास क्षमतालाई ध्यानमा राखेर उनीहरूको लागि व्यक्तिगत उपचार योजना तयार गर्छन् । यो उपचारमा धेरै चीजहरू समावेश हुन सक्छ, जस्तैः
- व्यायाम र शारीरिक गतिविधिहरूः बच्चाहरूलाई उनीहरूको मांसपेशी बलियो बनाउन र उनीहरूको लचिलोपन ल्याउन विशेष व्यायाम गराइन्छ ।
- खेल र रमाइलो गतिविधिहरूः बच्चाहरूले खेलबाट धेरै कुरा सिक्छन् । त्यसैले यस्ता खेललाई न्यूरोडेवलपमेन्ट उपचारमा समावेश गरिन्छ, जसले बालबालिकाको शारीरिक र मानसिक विकासमा मद्दत गर्छ ।
- प्रविधिको प्रयोगः आजकल भर्चुअल वा अन्तर क्रियात्मक (इन्टरेक्टिभ) एपको सहायताले समेत बालबालिकाको उपचार गरिन्छ। यी एपहरूले बच्चाहरूलाई चीजहरू सिक्न सजिलो बनाउँछ ।
- विशेषज्ञहरूको समूहः धेरै विशेषज्ञहरू न्यूरोडेवलपमेन्ट उपचारमा सँगै मिलेर काम गर्छन् । यसमा फिजियोथेरापिस्टहरू, अकुपेसनल (पेशागत) थेरापिस्ट (जसले दैनिक कार्यहरू गर्नमा मद्दत गर्छन), स्पीच थेरापिस्ट र डाक्टरहरू समावेश हुन सक्छन् । यो समूहले मिलेर बच्चाको प्रगति अनुगमन गर्छ र आवश्यकता अनुसार उपचार योजनामा परिवर्तनहरू गर्छ ।
- परिवारको भूमिकाः आमा बाबु र परिवारको भूमिका न्यूरोडेवलपमेन्ट उपचारको एक महत्वपूर्ण भाग हो । डाक्टरहरूले आमा बाबुलाई घरमा बच्चाहरूलाई कसरी व्यायाम गराउने हेरचाह गर्ने आदि सिकाउँछन् । यसबाट बालबालिकालाई चाडै फाइदा हुन्छ ।
न्यूरोडेवलपमेन्ट उपचार कुनै पनि उमेरका बालबालिकाको लागि लाभदायक हुन सक्छ । तर यो उपचार जति चाँडो सुरु हुन्छ, बच्चाहरूलाई त्यति नै बढी फाइदा हुन्छ।
प्रतिक्रिया दिनुहोस