‘नेपाल चिकित्सक संघ : आवासीय चिकित्सक को निलम्बन फिर्ता गरी अध्ययन सुचारु नगराइए आन्दोलन’


काठमाडौं– नेपाल चिकित्सक संघले काठमाडौं मेडिकल कलेज (केएमसी)मा अध्ययन रत आवासीय चिकित्सक विशद दाहाल माथि लगाइएको निलम्बन तुरुन्त फिर्ता लिई अध्ययन सुचारु नगराइए आन्दोलनको कार्यक्रम सार्वजनिक गर्ने चेतावनी दिएको छ ।

चिकित्सक संघका अध्यक्ष डा. अनिल बिक्रम कार्की द्वारा हस्ताक्षरित विज्ञप्तिमा उक्त चेतावनी दिइएको हो । विज्ञप्तिमा चिकित्सक संघको शुक्रवार बसेको आकस्मिक बैठकले तुरुन्त बिना कुनै सर्त निलम्बन फिर्ता लीन तथा चिकित्सा शिक्षा आयोग, काठमाडौं विश्व विद्यालय लगायत सरोकारवालाहरूको कार्य दल बनाई स्वास्थ्य सिबिर , शैक्षिक गतिविधि लगायत आवासीय चिकित्सकहरूले उठाएका जायज मागहरूलाई सम्बोधन गर्न माग गर्ने निर्णय गरेको उल्लेख छ ।

विज्ञप्ति मा अविलम्ब निलम्बन फिर्ता लिएर अध्ययन अध्यापनका लागि अगाडि नबढाइए आवासीय चिकित्सकका संघ संस्थाका प्रतिनिधिहरूसँग अझै थप छलफल गरी आन्दोलनका कार्यक्रमहरू सार्वजनिक गर्न बाध्य हुन र यसको जिम्मेवार स्वयम् सरोकारवाला निकाय हुनुपर्ने समेत जनाइएको छ ।


समाचार / स्वास्थ्य सामाग्री पढनु भएकोमा धन्यवाद । दोहरो संम्वाद को लागी मेल गर्न सक्नु हुन्छ । सम्पर्क इमेल : nepalhealthpress@gmail.com

तपाईको प्रतिक्रिया दिनुहोस