औँलाको कालो पन हटाउन चार प्रभावकारी घरेलु उपाय
हात खुट्टा को कालो पन सुन्दरता बिगार्छ । धेरै समय घाममा बस्नु, एलर्जी वा कुनै रोग आदि गरी यसका धेरै कारण हुन सक्छन् । आयुर्वेद मा आधारित यी घरेलु उपायले हात खुट्टाको कालो पन हटाउन सकिन्छ ।
१.कागती र गुलाफजल
कागतीमा ब्लिचिङ गुण हुन्छ, जसले कालो पन हटाउन मद्दत गर्छ । गुलाफजल ले छालालाई मोइस्चराइज गर्छ ।
विधिः एक चम्चा कागतीको रस र एक चम्चा गुलाफजल मिसाएर पेस्ट बनाउनुहोस् । यो पेस्ट हात र खुट्टामा लगाउनुहोस् र १५–२० मिनेटको लागि छोड्नुहोस् । त्यसपछि पानीले धुनुहोस् ।
२.बेसार र गुलाफजल
बेसारमा एन्टिअक्सिडेन्ट र एन्टी–इन्फ्लेमेटरी गुण हुन्छ, जसले छालालाई स्वस्थ र चम्किलो बनाउँछ।
विधिः एक चम्चा बेसार र एक चम्चा गुलाफजल मिसाएर पेस्ट बनाउनुहोस् । यो पेस्ट हात र खुट्टामा लगाउनुहोस् र १५–२० मिनेटको लागि छोड्नुहोस् । त्यसपछि सादा पानीले धुनुहोस् ।
३.सुन्तलाको बोक्रा
सुन्तलाको बोक्रामा भिटामिन सी र एन्टिअक्सिडेन्ट हुन्छ, जसले छालालाई चम्किलो बनाउन मद्दत गर्छ ।
विधिः सुन्तलाको बोक्रालाई सुकाएर पाउडर बनाउनुहोस् । यस पाउडरमा गुलाफजल मिसाएर पेस्ट बनाउनुहोस् । यो पेस्ट हात र खुट्टामा लगाउनुहोस् र १५–२० मिनेटको लागि छोड्नुहोस् । त्यसपछि सादा पानीले धुनुहोस् ।
४. काचो दूध
काचो दूधले छालालाई मोइस्चराइज गर्छ र कालोपन हटाउन मद्दत गर्छ ।
विधिः नुहाउनुअघि हात र खुट्टामा काचो दूध लगाउनुहोस् । १५–२० मिनेटपछि सादा पानीले धुनुहोस् । यी उपाय नियमित गर्नाले हात खुट्टाको कालोपनबाट छुटकारा पाउन सकिन्छ ।
तपाईको प्रतिक्रिया दिनुहोस