गर्भावस्थामा नरिवल पानी सेवनले फाइदा

गर्भावस्था मा महिलाहरूलाई खानपानमा विशेष ध्यान दिन सल्लाह दिइन्छ । यस्तो बेला गर्भवती महिलाले पौष्टिक खानेकुरा लिनु निकै जरुरी हुन्छ । यसले आमा र बच्चा दुवै स्वस्थ रहन्छ ।

पौष्टिकताले भरिपूर्ण यस्ता चिजहरूमा नरिवल पानी पनि समावेश छ । नरिवलको पानीमा क्लोराइड, इलेक्ट्रोलाइट, राइवोफ्लोविन, क्याल्सियम, म्याग्नेसियम र भिटामिन सी प्रशस्त मात्रामा पाइन्छ ।

भारत स्थित नरिवल विकास बोर्डका अनुसार गर्भावस्थामा नरिवलको पानी पिउनाले शरीरमा इलेक्ट्रोलाइट र तरल पदार्थको दैनिक आवश्यकता पूरा हुन्छ।

गर्भवती महिलालाई गर्भावस्थामा नरिवल पानी पिउनुका धेरै फाइदाहरू छन । 

–नरिवलको पानीले शरीरमा रगतको स्तर बढाउन, पिसाबको संक्रमण हटाउन र रक्तचाप कम गर्न मद्दत गर्छ।
–नरिवलको पानीले गर्भावस्थामा पेटको जलनको समस्याबाट पनि राहत दिन्छ ।
–गर्भावस्थाको समयमा मर्निङ्ग सिकनेस र थकानबाट राहत पाउन नरिवलको पानी पिउन सक्नुहुन्छ ।
–गर्भावस्थामा कब्जियत हुनु एउटा सामान्य समस्या हो तर नरिवल पानीको सेवनले यसबाट बच्न सकिन्छ।
–नरिवलको पानीमा क्यालोरी नगण्य हुन्छ र यो ओमेगा– ३ फ्याटी एसिड र रेशा(फाइबर) युक्त हुन्छ । जसले गर्भावस्थामा महिलाको तौल नियन्त्रण गर्न सघाउँछ ।

नरिवलको कहिले सेवन गर्ने –
गर्भवती महिलाहरूलाई गर्भावस्थाको पहिलो त्रैमासिकमा मर्निङ्ग सिकनेस र थकानको समस्या बढी हुन्छ, त्यसैले यस समयमा नरिवल पानी पिउनु सबैभन्दा फाइदाजनक हुन्छ । यो त्रैमासिकमा नै गर्भमा रहेको भ्रुणको मस्तिष्कको विकास हुन्छ, त्यसैले यो समयमा  सबैभन्दा बढी पोषक तत्व चाहिन्छ । आमा र बच्चा दुवैलाई नरिवलको पानीबाट आवश्यक पोषक तत्व प्राप्त हुन्छ ।

कति नरिवलको पानी पिउनु उपयुक्त?
गर्भावस्थामा नरिवलको पानी पिउनु फाइदाजनक हुन्छ तर यसको धेरै बढी सेवन गर्न वाट समेत बाच्नु पर्छ । गर्भावस्थाको समय तपाईंले दिनहुँ एक गिलास नरिवल पानी पिउन सक्नुहुन्छ । गर्भावस्थामा, तपाईंले दैनिक एक गिलास नरिवल पानी पिउन सक्नुहुन्छ । स्मरण रहोस् नरिवल ताजा र सफा होस ।

अस्वीकरण: सल्लाह सहित को यो सामग्री सामान्य जानकारी मात्र प्रदान गर्दछ। यो कुनै पनि हिसाबले योग्य चिकित्सा रायको विकल्प होइन। थप विवरणहरूको लागि सधैं एक विशेषज्ञ वा डाक्टरसँग परामर्श गर्नुहोस्। नेपालहेल्थप्रेसडटकम ले यस जानकारीको लागि जिम्मेवारीको दावी गर्दैन।थप स्वास्थ्य समाचारको लागि nepalhealthpress.com हेर्दै गर्नुस्