प्रधानमन्त्रीद्वारा गेटा मेडिकल कलेज लाई राष्ट्रिय स्वास्थ्य विज्ञान विश्व विद्यालयका रुपमा अघि बढाउने विषयमा छलफल
काठमाडौं – प्रधानमन्त्री पुष्पकमल दाहालले कैलालीको गेटामा निर्माणाधीन गेटा मेडिकल कलेजलाई नेपालकै पहिलो राष्ट्रिय स्वास्थ्य विज्ञान विश्वविद्यालयका रुपमा अघि बढाउने विषयमा छलफल गरेका छन ।
गेटा मेडिकल कलेजको मोडालिटीका बारेमा सुदूरपश्चिम क्षेत्रका बिभिन्न जिल्लाबाट प्रतिनिधित्व गर्ने वहालवाला तथा पूर्व सांसद, मन्त्री, विषय विशेषज्ञ, सरकारका मुख्यसचिव, शिक्षा र स्वास्थ्य मन्त्रालयका सचिवहरुसँग प्रधानमन्त्री निवास बालुवाटारमा छलफल भएको हो ।
फागुन १ गतेदेखि विकास आयोजनाहरुको अनुगमन र निरिक्षणका लागि आफ्नो कार्यकालको पहिलो भ्रमणका क्रममा सुदूरपश्चिमको कैलाली र कञ्चनपुर जानुअघि भएको एक छलफलमा प्रधानमन्त्री दहाल ले यो घोषणा गरेका हुन ।
छलफलका क्रममा दहालले विकास आयोजनाहरुको अनुगमन गर्ने क्रममा पहिलो भ्रमण सुदूरपश्चिमबाटै गर्न लागेको जानकारी समेत दिए ।
प्रतिक्रिया दिनुहोस