नीम: डन्डीफोरको प्राकृतिक उपचार! जान्नुहोस् प्रयोग गर्ने सही तरिका
डन्डीफोर (एक्ने)ले भरिएको अनुहार केवल सौन्दर्यमा मात्र असर पार्दैन, आत्मविश्वासमा पनि कमी ल्याउँछ। यस्तो समस्याबाट मुक्ति पाउन नीम अत्यन्त प्रभावकारी उपाय हुन सक्छ।
नीममा हुने एन्टी-ब्याक्टेरियल, एन्टी-फंगल, एन्टी-इन्फ्लेमेटरी र एन्टी-अक्सिडेन्ट तत्वहरूले छालाको संक्रमण र पिम्पल्स कम गर्नमा सहयोग पुर्याउँछ।
नीम एक सस्तो, सजिलो र प्रभावकारी प्राकृतिक उपचार हो, जसले छालाको समस्या, विशेषगरी पिम्पल् नियन्त्रणमा राख्न महत्वपूर्ण भूमिका खेल्न सक्छ। नियमित र सही तरिकाले प्रयोग गर्दा छाला सफा, चम्किलो र आत्मविश्वासी देखिन्छ।
नियमित प्रयोग गरेमा छाला सफा, चम्किलो र बेदाग बन्छ। अब जानौँ नीमलाई कसरी प्रयोग गर्ने र यसका के-कस्ता फाइदा छन्:
नीम कसरी प्रयोग गर्ने?
- नीम फेस प्याक
नीमको धुलो र गुलाफजल मिसाएर पेस्ट बनाउनुहोस्। यो मिश्रण अनुहारमा १५–२० मिनेट लगाएर चिसो पानीले धुनुहोस्। हप्तामा २–३ पटक प्रयोग गर्न सकिन्छ। - नीम पेस्ट
ताजा नीमको पात पीसेर पेस्ट बनाउनुहोस् र थोरै बेसार मिसाएर पिम्पल्स भएका भागमा लगाउनुहोस्। यसले छिटो आराम दिन्छ। - नीम पानी टोनर
नीमको पातलाई पानीमा उमालेर चिसो पार्नुहोस् र छानेर प्राकृतिक टोनरको रूपमा दैनिक प्रयोग गर्नुहोस्। - नीम तेल
नीमको तेललाई नरिवल वा जोजोबा तेलसँग मिसाएर रातभर पिम्पल्समा लगाउनुहोस् र बिहान अनुहार धुनुहोस्। - नीम क्याप्सुल
शरीर भित्रबाट सफा गर्न चाहनु हुन्छ भने नीम क्याप्सुल लिन सक्नुहुन्छ। तर, यो प्रयोग चिकित्सकको सल्लाह बिना नगर्नु होस्।
डन्डीफोरका लागि नीमका फाइदाहरू
ब्याक्टेरिया नष्ट गर्छ: नीमको एन्टी-ब्याक्टेरियल गुणले छालामा हुने प्रोपियोनिब्याक्टेरियम एक्ने जस्ता ब्याक्टेरिया नष्ट गर्छ।
सुन्याई र रातोपन घटाउँछ: नीममा रहेको सुन्याईरोधी गुणले सुन्निएको र रातो भएको छालालाई शान्त बनाउँछ।
तेल उत्पादन नियन्त्रण गर्छ: नीमले छालामा अत्यधिक उत्पादन हुने तेल (सीबम) कम गर्छ, जसले पोर्स बन्द गरेर पिम्पल्स उत्पन्न गर्छ।
पोर्स सफा बनाउँछ: नीमको तीतो प्रकृतिले छालाको छिद्रलाई सानो बनाउँछ र अशुद्धिहरू हटाउँछ, जसले ब्ल्याकहेड्स र ह्वाइटहेड्स घटाउँछ।
दाग हटाउँछ: नियमित प्रयोगले पिम्पल को दाग, पिग्मेन्टेशन घटाउँछ र छालाको रंग एकरूप बनाउँछ। (छालारोग विशेषज्ञ र आयुर्वेद चिकित्सकद्वारा समीक्षा गरिएको स्वास्थ्य सामग्री)
प्रतिक्रिया दिनुहोस