ननस्टिकी भाडाकुडामा खाना पकाउनु स्वास्थ्य को लागि खतरनाक, पकाउनै परे के गर्ने ?

नयाँ दिल्ली – बदलिँदो जीवनशैलीमा मानिसको रहनसहन मात्र होइन खाना पकाउने तरिका र भाँडो पनि परिवर्तन भएकोछ ।

मानिसहरूले नन-स्टिक भाँडाहरू प्रयोग गर्न थालेका छन्।  तर के तपाईलाई थाहा छ नन-स्टिक भाँडा तपाईको स्वास्थ्यको लागि खतरनाक हुन सक्छ।

भर्खरै, छिमेकी मुलुक भारतको इन्डियन काउन्सिल अफ मेडिकल रिसर्च (आईसिएमआर) ले मानिसहरू लाई किन नन-स्टिक प्यानमा खाना पकाउनु हुँदैन भनेर एक दिशानिर्देश समेत जारी गरेको छ ।

नन-स्टिक भाँडाकुँडा बाट बच्नु स्वास्थ्यको लागि महत्त्वपूर्ण 

नन-स्टिक कुकवेयरमा खाना पकाउन धेरै सजिलो छ र यसमा कम तेल पनि प्रयोग गरिन्छ।  कोटिंगका कारण तरकारी जल्ने डर हुँदैन ।

तर हालैको अनुसन्धानले नन-स्टिक भाँडाकुँडा प्रयोग गर्नु स्वास्थ्यका लागि हानिकारक साबित हुनसक्ने देखाएको छ।  नन-स्टिक भाँडाहरूमा कोटिंग गरिन्छ।  खाना पकाउँदा, यो कोटिंग कोत्रिन्छ (स्क्र्याच)  र खानामा मिसिन्छ, जुन तपाईंको स्वास्थ्यको लागि हानिकारक छ।

यस्तो अवस्थामा आईसिएमआर ले मानिसहरूलाई नन-स्टिक भाँडाहरूमा खाना नपकाउन चेतावनी दिएको छ।

आईसिएमआर ले नन-स्टिक खाना पकाउन यी सुझावहरू दिएको छ

खानालाई मध्यम तातोमा पकाउनुहोस्: नन-स्टिक कुकवेयरलाई बढी तातो नगर्नुहोस्।  ग्यासको तापक्रम उच्च भएमा प्यानको कोटिंग फुटेर हानिकारक धुवाँ निस्कन सक्छ।

खाली प्यानललाई तताउने नगर्नुहोस्: ग्यास अन गरेर प्यानलाई उच्च आगोमा नराख्नुहोस्।  प्यानलाई ग्यासमा राख्नु अघि अलिकति तेल हाल्नुहोस्।

जीर्ण प्यान बदल्नुहोस्: यदि तपाईंको प्यान स्क्र्याच भएको छ र कोटिंग हट्न थालेको छ भने, आफ्नो स्वास्थ्यलाई ध्यानमा राख्दै, सकेसम्म चाँडो प्यान बदल्नुहोस्।

माटोको भाँडोमा खाना पकाउनु सबैभन्दा सुरक्षित

इन्डियन काउन्सिल मेडिकल रिसर्च  ले माटोका भाँडाहरूलाई खाना पकाउनको लागि सबैभन्दा शीर्ष स्थानमा राखेको छ र यसलाई सुरक्षित मानेको छ।

आईसिएमआर गाइडलाइन्स अनुसार माटोको भाँडोमा कुनै पनि रसायन प्रयोग गरिदैन।  जसका कारण खानाको प्राकृतिक स्वाद हराउँदैन र पोषक तत्व पनि प्रशस्त मात्रामा उपलब्ध हुन्छ ।

तर, माटोका भाँडाहरू प्रयोग गर्नु अघि, तिनीहरूको सरसफाइमा विशेष ध्यान दिन आवश्यक छ।