पालुङ्गो, तोरी, मेथी भन्दा धेरै गुणा शक्तिशाली, तीन महिना मात्रै पाइने साग

तपाई ले जाडोमा धेरै प्रकारका सागहरू खानु भएको होला, तर चना को साग पौष्टिकता को हिसाबले सबै सागको राजा हो । चना सागको सेवनले ब्लड सुगर, ब्लड प्रेसर र मुटुको रोग लाग्दैन ।

यदि तपाई लाई सबैभन्दा शक्तिशाली साग कुन हो भनेर सोधियो भने, धेरै मानिसहरूले यसको जबाफ दिन सक्षम हुने छैनन्। स्वादका हिसाबले कसैलाई पालक साग मनपर्छ भने कसैलाई तोरी त कसैलाई रायो को साग मनपर्छ ।

तर वैज्ञानिक दृष्टिकोणले हेर्दा चनाको साग सबैभन्दा राम्रो हुन्छ भन्ने अनुसन्धानमा प्रमाणित भएको छ । चनाको सागमा पौष्टिक तत्त्वको खजाना लुकेको छ । चना सागमा प्रोटिन, फाइबर, आइरन, क्याल्सियम र धेरै प्रकारका भिटामिनहरू प्रशस्त मात्रामा पाइन्छ। यसका साथै चनाको पातमा धेरै प्रकारका सूक्ष्म पोषक तत्त्व र एन्टिअक्सिडेन्टहरू पाइन्छ जसले शरीरलाई सबै प्रकारका दीर्घकालीन रोगहरूबाट बचाउँछ। चना सागले तीनवटा प्रमुख दीर्घकालीन रोग, मधुमेह, मुटु रोग र मोटो पनालाई नजिक आउन दिँदैन ।

चना साग सबै सागहरू मध्ये सबैभन्दा शक्तिशाली हो। यस विषयमा अनुसन्धान पनि भएको छ । चनाको पात बारे जर्नल अफ द साइन्स अफ फुड एण्ड एग्रिकल्चर (अमेरिका र बेलायत) मा एउटा अनुसन्धान समेत प्रकाशित भएको छ।

यस अनुसन्धानका अनुसार पौष्टिकता को हिसाबले पालक, तोरी र मेथीको सागको दाँजोमा चना साग धेरै गुणा बढी शक्तिशाली हुन्छ । यसका साथै चना साग अन्य साग भन्दा धेरै बढी स्वादिष्ट पनि हुन्छ । अध्ययनमा यस्तो पनि भनिएको छ कि चना सागमा यति धेरै प्रकारका पोषक तत्त्व पाइन्छ कि यसलाई गरिब तथा कुपोषित क्षेत्रमा उपयोग गरिए कुपोषणको समस्या समाधान हुन्छ ।

चना सागका फाइदाहरू 

• मधुमेह नियन्त्रण गर्छ – चना सागमा प्राकृतिक रूपमा इन्सुलिनको उत्पादन बढाउने शक्ति हुन्छ। तसर्थ, चना साग मधुमेह रोगीहरू को लागी एक रामबाण उपाय हो। तर मधुमेह नभएका व्यक्तिले चनाको साग खादा मधुमेहले छुँदैन ।
• हृदय रोगबाट सुरक्षा – चना सागमा धेरै प्रकारका स्वस्थ बोसो र पोटासियम पाइन्छ जुन मुटुलाई जोगाउन धेरै महत्वपूर्ण मानिन्छ । यसले मुटुका मांसपेशीहरूलाई लचिलो बनाएर बलियो बनाउँछ, जसले मुटुको कुनै पनि दबाब सहन सक्ने क्षमता बढ्छ ।
• रक्तचाप नियन्त्रणमा राख्छ – चना सागको सेवनले रक्तचाप नियन्त्रणमा राख्छ। यसले रक्त प्रवाह बढाउँछ। यसले रक्त नलीहरूलाई पनि चिल्लो बनाउँछ जसले गर्दा रगतको प्रवाह शरीरको बाकी भागमा सजिलै पुग्छ।