महिला को दुवै स्तनमा क्यान्सर हुने सम्भावना बढी : जर्नल अफ क्लिनिकल ओन्कोलोजीमा प्रकाशित नेपाली डाक्टर संलग्न अनुसन्धान
मेयो क्लिनिक कम्प्रिहेन्सिभ क्यान्सर सेन्टरको नेतृत्व मा गरिएको एक अध्ययनका अनुसार एउटा स्तनमा क्यान्सर भएका महिलाहरूलाई अर्को स्तन मा समेत क्यान्सर हुने सम्भावना आनुवंशिक असामान्यता हरू भएमा बढी हुन्छ।
मेयो क्लिनिक का सिनियर एसोसिएट मेडिकल अंकोलजिष्ट नेपाली नागरीक डा . सिद्धार्थ यादव उक्त अध्ययन का सह लेखक हुन । अध्ययन को निष्कर्ष, जर्नल अफ क्लिनिकल ओन्कोलोजीमा प्रकाशित छ ।
अध्ययन अनुसार, एक स्तनमा क्यान्सर भएका महिलाहरूलाई स्तन क्यान्सर हुने सम्भावना हुने विशेष आनुवंशिक परिवर्तनहरू भएमा अर्को स्तनमा क्यान्सर हुने सम्भावना बढी हुन्छ।
अर्थात एक पटक स्तन क्यान्सर भएका महिलाहरूलाई निश्चित आनुवंशिक उत्परिवर्तन भएको खण्डमा अर्को स्तनमा फेरि हुने जोखिम बढेको नयाँ अध्ययनले देखाएको छ।
‘विआरसीए१’, ‘विआरसीए२’, ‘पिएएलवी२ ‘ र ‘ सिएचइके२’, जीनले कसैको उमेर, जाति र रजोनिवृत्ति को स्थिति जस्तै दोस्रो पटक स्तन क्यान्सर हुने जोखिम बढाउन सक्छ।
अध्ययनका लेखकहरूका अनुसार, स्तन क्यान्सर स्क्रीनिंग र जोखिम कारकहरूका लागि दृष्टिकोणहरू निजीकृत गर्न मद्दत गर्नेछ।
मेयो क्लिनिक ब्रेस्ट क्यान्सर स्पेशलाइज्ड प्रोग्राम अफ रिसर्च एक्सिलेन्स (स्पोर) ले हालै उक्त अध्ययन का सह लेखक डा. यादव लाई सन २०२२ क्यारियर एन्हान्समेन्ट प्रोग्राम अवार्डबाट सम्मानित गरेको हो ।
प्रतिक्रिया दिनुहोस