चितवनमा कार दुर्घटनामा चिकित्सक डा. बिप्लब भट्टको मृत्यु

चितवन – चितवनको भरतपुरमा गए राति भएको कार दुर्घटनामा एक चिकित्सक विप्लव भट्टको ज्यान गएको छ। भरतपुर महानगरपालिका–१० बिशाल चोकमा रमाइलो चोक तर्फबाट आउँदै गरेको बा १५ च ४६९३ नम्बरको कार शनिबार राति करिब १ः३० बजे अनियन्त्रित भई सडक किनारमा रहेको रुखमा ठोक्किएको थियो। उक्त दुर्घटनामा कारमा सवार भरतपुर – २ आँपटारीका डा. बिप्लब भट्ट गम्भीर घाइते भएका थिए।

उनीलाई उपचारका लागि पुरानो मेडिकल कलेज लगिएकोमा राति २ः०५ बजे चिकित्सकहरूले मृत घोषणा गरेको जिल्ला प्रहरी कार्यालय चितवनले जनाएको छ। घटनाबारे थप अनुसन्धान भइरहेको छ।