नयाँ जीन थेरापीले एमियोट्रोफिक लेटरल स्क्लेरोसिस (एएलएस) उपचारमा आशा देखायो

अन्तर्राष्ट्रिय वैज्ञानिकहरूको टोलीले एमियोट्रोफिक लेटरल स्क्लेरोसिस (एएलएस)को उपचारका लागि नयाँ सम्भावना देखाएको छ। यो अनुसन्धान नेचर न्युरोसाइन्समा प्रकाशित छ जसलाई यहाँ 👉क्लिक गरेर पढ्न सकिन्छ।

अनुसन्धानले एएलएस रोगलाई उत्प्रेरित गर्ने अज्ञात आणविक तन्त्र पहिचान गरेको छ र आरएनए आधारित जीन थेरापीले क्षय भएको तन्त्रिका कोशिकालाई पुनर्जीवित गर्न सकिने संकेत दिएको छ।

एएलएस एक प्रगतिशील न्यूरोडीजेनेरेटिभ रोग हो जसमा मोटर न्युरोनहरू क्रमशः नष्ट हुन्छन्। यसले मांसपेशीमा कमजोरी, पक्षाघात र अन्ततः मृत्यु निम्त्याउन सक्छ। आनुवंशिक उत्परिवर्तन, वातावरणीय कारक र कोशिका कार्यमा असामान्यता ले यस रोगको विकासमा भूमिका खेल्ने वैज्ञानिकहरूको आकलन छ।

तेल अवीव विश्वविद्यालयका प्रोफेसर एरान पर्लसनले भने, ‘हाम्रो अनुसन्धानले एएलएसको सुरुआत र प्रगतिबारे नयाँ दृष्टिकोण दिएको छ। जीन थेरापी मार्फत आरएनए संकेतलाई पुनर्स्थापित गरेर मोटर न्युरोनको रक्षा गर्न सकिन्छ भन्ने प्रमाण हामीले पाएका छौं।’ उनका अनुसार, यस खोजले तन्त्रिका र मांसपेशी बीचको सम्बन्धलाई नियन्त्रण गर्ने नयाँ जैविक प्रक्रिया पनि उजागर गरेको छ।

हाल सम्म एएलएसको उपचार रोगको गति मन्द पार्न र लक्षण व्यवस्थापनमा सीमित छ। नयाँ अनुसन्धानले भविष्यमा प्रभावकारी उपचार विकासको आशा जगाएको छ।