कुनै काममा ध्यान केन्द्रित गर्दा सुन्ने तरिका परिवर्तन हुन्छ
यरुशलम स्थित हिब्रू विश्वविद्यालयका अनुसन्धानकर्ताले पत्ता लगाएका छन् कि जब मानिस कुनै काममा ध्यान केन्द्रित गर्छ, तब मस्तिष्क केवल फरक ढंगले मात्र होइन, अझ बुद्धिमानीपूर्वक सुन्छ।
अध्ययनले देखाएको छ कि आवाजलाई प्रशोधन गर्ने मस्तिष्कको प्रमुख भाग ‘अडिटरी कोर्टेक्स’ सक्रिय सहभागिताको समयमा आफ्नो कार्य प्रणाली नै परिवर्तन गर्छ। यो भाग केवल आवाजमा प्रतिक्रिया जनाउँदैन, बरु त्यस कार्यको लयसँग आफ्नो गतिविधि मिलाउँछ।
अनुसन्धानकर्ताहरूका अनुसार, यस निष्कर्षले श्रवण यन्त्र (हियरिङ एड), ध्यान तालिम र मस्तिष्क कम्प्युटर इन्टरफेस प्रविधि सुधार गर्न मद्दत गर्न सक्छ । किन भने यसले मस्तिष्कले ध्वनिलाई कसरी प्राथमिकता दिने गर्छ भन्ने कुरा स्पष्ट गर्छ।
अनुसन्धान का क्रममा वैज्ञानिकहरूले देखे कि जब मानिस कुनै कार्यमा व्यस्त हुन्छ, त्यस बेला अडिटरी कोर्टेक्सका न्युरोनहरू यस्तो ढंगले सक्रिय हुन्छन् जुन सिधै आवाज द्वारा प्रेरित हुँदैन। प्रत्येक न्युरोन फरक समयमा सक्रिय हुन्छ, जसले कार्यको प्रवाहलाई संकेत गर्छ, केवल सुनेका ध्वनिलाई दोहोर्याउँदैन।
प्राध्यापक नेल्केनका अनुसार, नतिजाले प्रमाणित गर्छ कि मस्तिष्क केवल ध्वनिमा प्रतिक्रिया जनाउने मात्र होइन, ती ध्वनिहरू कसरी प्रस्तुत गरिन्छन् भन्ने कुरा पनि निर्धारण गर्छ।
प्रतिक्रिया दिनुहोस