कतारः कुकुरले बच्चालाई टोकेपछि आक्रमणकारीद्वारा २९ कुकुरको हत्या, सामाजिक सञ्जालमा चर्को हङ्गामा

यो घटनाबाट जनता निकै आक्रोशित र दुःखी छन् । एनिमल राइट्स सस्टेनेबिलिटी ब्रान्ड रोनी हेलोले हत्यालाई बर्बर र कतारी समाजका लागि खतरनाक भनेका छन्


दोहा ( एजेन्सी ) –कतारमा केही हतियारधारीहरूको एक समूहले एउटा सुरक्षित क्षेत्रमा आक्रमण गरी २९ कुकुरलाई मारेको छ । हतियारधारीहरूले एउटा कुकुरले उनीहरूको बच्चालाई टोकेको आरोप लगाएका छन् । यो घटनापछि सामाजिक सञ्जालमा चर्को हङ्गामा मच्चिएको छ ।

मुटु हल्लाउने यो घटना को दोहा स्थित उद्धार संस्था ‘ पाव्स रेस्क्यू कतर ’ ले बताएको छ कि आक्रमणकारीहरू एउटा कारखानाको सुरक्षित क्षेत्रमा गएर पहिले सुरक्षा गार्डलाई हतियार हेरोदै  धम्की दिए, त्यसपछि भित्र गएर कुकुर को बच्चा सहित २९ कुकुरहरूलाई गोली हाने। यो घटनामा धेरै कुकुरहरू घाइते समेत भएका छन् ।

यो एक क्षेत्र हो जहाँ गल्लीका भुस्याहा कुकुरहरूलाई खुवाउने र समुदाय द्वारा हेरचाह गरिन्छ । दोहा न्युजका अनुसार यो घटनाबाट मानिसहरू निकै आक्रोशित र दुखी छन् । एनिमल राइट्स सस्टेनेबिलिटी ब्रान्ड रोनी हेलोले हत्यालाई बर्बर र कतारी समाजका लागि खतरनाक भनेका छन् ।


समाचार / स्वास्थ्य सामाग्री पढनु भएकोमा धन्यवाद । दोहरो संम्वाद को लागी मेल गर्न सक्नु हुन्छ । सम्पर्क इमेल : nepalhealthpress@gmail.com

तपाईको प्रतिक्रिया दिनुहोस