‘नयाँ प्रविधि ले प्रत्यारोपण पछि मिर्गौला फेल हुन बाट जोगाउने छ’
‘एम्सका डाक्टरहरूले दुई घण्टामा बिके भाइरस संक्रमण पत्ता लगाउने प्रविधि, विकास गरे’
![](https://ap-south-1.linodeobjects.com/nepalhealthpress/2024/02/aiims-central-lawn.jpg)
नयाँ दिल्ली –मिर्गौला प्रत्यारोपणका बिरामीमा सङ्क्रमणका कारण बारम्बार मिर्गौला फेल हुने समस्यालाई हटाउन अल इन्डिया इन्स्टिच्युट अफ मेडिकल साइन्स (एम्स) का डाक्टरहरूले एउटा नयाँ परीक्षण प्रविधिको विकास गरेका छन् ।
यो प्रविधिबाट बीके भाइरसको संक्रमण दुई घण्टा भित्र पत्ता लगाउन सकिन्छ । बीके भाइरस, जसलाई ‘ह्युमन पोलियोमा भाइरस–१’ पनि भनिन्छ, पोलियोमा भाइरस परिवारको सदस्य हो ।
यस प्रविधिको सहयोगमा बीके भाइरसको संक्रमण छिट्टै पहिचान गरी उपचार गर्न सकिन्छ । तसर्थ, प्रत्यारोपण पछि मिर्गौला फेल हुनबाट जोगाउन यो प्रविधि उपयोगी हुनेछ ।
भारतमा वर्षेनी करिब दुई लाख मानिसलाई मिर्गौला प्रत्यारोपण आवश्यक पर्ने भए पनि सुविधा नहुदाँ करिब १२ हजारले मात्रै मिर्गौला प्रत्यारोपण गर्ने गरेका छन् ।
यति मात्र नभइ प्रत्यारोपण गरेपछि पनि विभिन्न कारणले प्रत्यारोपण असफल हुने डर हुन्छ । ५ देखि १० प्रतिशत बिरामी को मिर्गौला प्रत्यारोपण पछि फेरि बिग्रन्छ । यसको एउटा कारण बीके भाइरस संक्रमण हो ।
रोग प्रतिरोधात्मक क्षमता कमजोर भएका बिरामीलाई यो भाइरसको सङ्क्रमणको उच्च जोखिम हुन्छ । समयमै यो संक्रमण पत्ता लगाएर मिर्गौला प्रत्यारोपण असफल हुनबाट बचाउन सकिन्छ । तर यसको परीक्षणको लागत करिब आठ हजार नेपाली रुपियाँ ( ५ हजार भारतीय रुपियाँ ) पर्छ ।
एम्सको एनाटोमी, प्याथोलोजी र नेफ्रोलोजी विभागका डाक्टरहरूले नैनो टेक्नोलोजी प्रयोग गरेर परीक्षण गर्ने नयाा प्रविधि विकास गरेका छन्, जसलाई नैनो एलएएमपी नाम दिइएको छ । यसमा सुनको नैनो पार्टिकल (कण) र फरक प्राइमर प्रयोग गरिएको छ । यो परीक्षण ९१ देखि ९६ प्रतिशत प्रभावकारी पाइएको छ ।
के हो बीके भाइरस ?
बीके भाइरस एक भाइरस हो जुन अधिकांश मानिसहरूलाई बाल्यकालमा सर्छ । बीके भाइरसलाई पोलियोमा भाइरस पनि भनिन्छ । यसको लक्षणहरू अन्तर्गत सामान्य रुघाखोकी जस्तो महसुस हुन सक्छ ।
एकचोटि तपाई ले बीके भाइरसको संक्रमण को चपेटामा पर्नु भयो भने, भाइरस तपाई को प्रणाली मा राम्रो सँग रही रहन्छ । तर यसले धेरैजसो मानिसहरूलाई समस्या उत्पन्न गर्दैन । यसलाई ‘लेटेन्ट’, (अप्रकट/गुप्त) भनिन्छ । वा यो भाइरस तपाई को शरीरमा ‘सुती रहेको’ जस्तो अवस्थामा रहन्छ । कहिले काहीं, जब तपाई को प्रतिरक्षा प्रणाली राम्रो सँग काम गर्दैन, भाइरस उठ्छ । त्यसपछि यसले सङ्क्रमणको लक्षण निम्त्याउन सक्छ ।
प्रतिक्रिया दिनुहोस