मर्निङ्ग वाक अघि खाजा खानु पर्छ कि पर्दैन ? बिहान हिँड्ने सही तरिका के हो


बिहानको पैदल हिँडाइ अर्थात् मर्निङ्ग वाक आफैमा धेरै रोगको औषधि हो । मर्निङ्ग वाक को यति धेरै फाइदाहरू छन् कि तपाई विरलै बिरामी पर्नु हुन्छ ।

मर्निङ्ग वाक ले मुटु सँग सम्बन्धित रोगको जोखिम कम गर्छ । साथै ब्लड सुगर र ब्लड प्रेसर पनि नियन्त्रणमा रहन्छ । बिहानको पैदल यात्राले दिमागमा दिन भर ताजा पन र ऊर्जा कायम रहन्छ । धेरै अध्ययनहरू अनुसार बिहानको पैदल यात्राले जीवन शैली सँग सम्बन्धित थुप्रै रोगहरूको जोखिम कम गर्छ ।

धेरै जसो मानिसले बिहान पैदल हिँड्ने गरे पनि उनीहरूलाई सही तरिका थाहा हुँदैन । धेरै मानिसहरू मर्निङ्ग वाक अघि बिहानको खाजा खाने कि न खाने भन्ने भ्रममा रहन्छन् । त्यही धेरैलाई थाहा छैन कि उनीहरूले बिहानको पैदल यात्रा गर्नु अघि पानी पिउने वा नपिउने । यदि तपाई लाई पनि बिहानको पैदल यात्राको सही तरिका थाहा छैन भने यहाँ दिइएको जानकारी वाट सजिलै थाहा पाउन सक्नुहुन्छ ।

बिहानको हिँड्नु अघि खाजा 

हेल्थ लाइनको समाचारका अनुसार यदि तपाई ले बिहानको पैदल यात्रा गर्नुहुन्छ भने बिहानको खाजा खादा मेटाबोलिजम बढ्छ कि बढ्दैन र यसले तौल घटाउन कत्तिको मद्दत गर्छ भन्ने कुरा पनि जान्न जरुरी छ । यद्यपि केही अनुसन्धानले दाबी गरेको छ कि यदि तपाई ले बिहानको पैदल यात्राको समयमा खाजा खानु भएन भने वा खाली पेट बिहानको पैदल यात्रामा जानु भयो भने, यसले धेरै क्यालोरीहरू जल्छ र शरीरबाट बढी बोसो कम हुन्छ ।

तर अर्को अनुसन्धानमा यो पनि भनिएको छ कि बिहानको हिँडाइ अघि खाजा खानुस् वा नखानुस् यो कुरा तपाई को शरीर बिहानको हिँडाइको लागि कसरी समायोजन (एडजष्ट) भएको छ भन्ने कुरामा भर पर्छ ।

बिहानको खाजा न खाई हिँड्दा थकाइ लाग्छ, धेरै समस्या हुन्छ भने हल्का ब्रेक फास्ट गर्नुपर्छ । तर यदि ब्रेकफास्ट नगर्दा तपाई को पेटमा असर पर्दैन भने तपाई ले यसलाई छोड्न पनि सक्नुहुन्छ । तर, बिहान हिँड्नु अघि हल्का खाजा खानु राम्रो हुन्छ । यसमा एउटा केरा वा केही फलफूल खान सकिन्छ । हेभी (भारी) नास्ता नगर्नुहोस्। तर जब तपाईं आफ्नो बिहानको पैदल यात्राबाट फर्कनु हुन्छ, त्यति खेर हेभी नास्ता गर्नुहोस्। यसका साथै पर्याप्त मात्रामा पानी पिउनु पनि आवश्यक हुन्छ ।

  • बिहानको पैदल यात्राको सही तरिका सही लुगा छनोट गर्नुहोस् – बिहानको पैदल यात्रामा जानु अघि राति नै आफ्नो लुगा अलग गर्नुहोस्। छालाबाट पसिना सोस्ने खालको कपडा लगाउनुहोस्। हल्का सुती कपडा लगाउनुहोस् ताकि छालामा एलर्जी नहोस्। बिहान हिँड्दा मोजा नलगाउनु राम्रो हुन्छ ।
  • हरियाली भएको ठाउँमा जानुहोस् – बिहान हिडन निस्किँदा धेरै हरियाली र रूखहरू भएको ठाउँ छनौट गर्नुहोस्। हिँड्ने क्रममा पैदल मात्र नभई बीचमा रुखमा झुन्डिने, दौडने, छिमेकी सँग पनि कुरा गर्ने, योग, ध्यान आदि गर्ने हो भने झन राम्रो र रमाइलो हुन्छ ।
  • सामाजिक अन्तरक्रिया – बिहानको पैदल यात्राको समयमा वरपरका मानिसहरू सग सामाजिक अन्तरक्रिया बढाउनुहोस्। एक अर्का सँग कुरा गर्दा सकारात्मकता को सञ्चार हुनेछ, यसले शरीरमा खुसीको हर्मोन निस्कनेछ र तपाई दिन भर खुशी रहनु हुनेछ । त्यसैले तपाई आफ्नो साथीहरूसँग कुरा गर्दै पनि हिँड्न सक्नु हुन्छ ।
  • लगातार पानी पिउनुहोस् – बिहानको पैदल यात्रा गर्दा लगातार पानी पिउनुहोस् । यसले तपाई लाईहाइड्रेटेड(जल लेपरिपूर्ण) राख्छ र शरीरलाई आवश्यक ऊर्जा प्राप्तहुँदैरहन्छ ।
  • वार्म अप– बिहानको पैदल यात्रा गर्नु अघि पहिलो ५ मिनेट जमिनमा वार्म अप गर्नुहोस् । वार्म अप गर्दा, हिँड्नको लागि शरीरमा ऊर्जा कायम रहन्छ र तपाई को शरीर हिँड्न तयार हुनेछ ।

समाचार / स्वास्थ्य सामाग्री पढनु भएकोमा धन्यवाद । दोहरो संम्वाद को लागी मेल गर्न सक्नु हुन्छ । सम्पर्क इमेल : nepalhealthpress@gmail.com

तपाईको प्रतिक्रिया दिनुहोस

error: Content is protected !!