‘घरपालुवा जनावर, एक्लै बस्ने बूढापाका को लागि वरदान, दिमागलाई स्वस्थ राख्छ’


हालै गरिएको एउटा अध्ययन अनुसार एक्लै बस्ने वृद्धवृद्धाहरूले कुकुर वा बिरालो जस्ता जनावर पाल्नाले उनीहरूको दिमाग स्वस्थ राख्न मद्दत मिल्न सक्छ ।

यो अध्ययन ‘जामा नेटवर्क ओपन’, जर्नलमा प्रकाशित भएको छ । अनुसन्धान अनुसार घरपालुवा जनावरको स्वामित्वले एक्लै बस्ने मानिसहरूमा मौखिक स्मरण र शब्दको प्रवाहमा गिरावटको दरलाई ढिलो गर्ने पाइयो, तर अरूसँग बस्नेहरूमा यस्तो थिएन ।

अनुसन्धान अनुसार घरपालुवा जनावरको स्वामित्वले एक्लै बस्ने र शब्दको प्रवाह मा कमी को बीचको सम्बन्धलाई कम गर्न सकिन्छ । अध्ययनमा ५० वर्ष वा सोभन्दा माथिका उमेरका ७,९४५ व्यक्तिहरूले भाग लिएका थिए ।

अनुसन्धान कर्ताहरूले के पाए भने सन २०२१ मा सबै अमेरिकीहरू मध्ये २८.५ प्रतिशत एकल–व्यक्ति घरमा बस्थे । यसले सङ्केत गर्छ कि बढी भन्दा बढी व्यक्ति उमेर बढ्दै जाँदा एक्लै बसिरहेका छन्, उनीहरूले यो पनि अनुमान लगाएका छन् की विश्व भर डिमेन्सिया भएका व्यक्तिहरूको संख्या सन २०१९ मा मा ५ करोड ७० लाख भएको मा सन २०५० मा १५ करोड ३० लाख हुनेछ ।

अनुसन्धान कर्ताहरूको अनुसार डिमेन्सियाको उपचार गर्न वा मस्तिष्क बिग्रन वाट रोक्नको लागि हाल कुनै प्रभावकारी उपचार उपलब्ध छैन । अनुसन्धान अनुसार एक्लै बस्ने वृद्धहरूलाई डिमेन्सिया हुने खतरा बढी हुन्छ, र एक्लै बस्नु सजिलै परिवर्तन गर्न नसकिने अवस्था पनि हो ।

यो ध्यान दिन लायक छ कि अरूसँग बस्ने घरपालुवा जनावरहरूको मालिक को दाजो मा एक्लै बस्ने घरपालुवा जनावरको मालिकहरूका स्मरणशक्ति वा शब्दको प्रवाहमा कमी को दर तीव्र देखिएन ।

अनुसन्धान कर्ताहरूका अनुसार एक्लै बस्ने र डिमेन्सिया बीचको सम्बन्धमा एक्लो पन एक सम्भावित मध्यस्थ हो । एक्लै बस्ने विपरीत, घरपालुवा जनावर (जस्तै कुकुर र बिरालाहरू) राख्नाले एक्लोपन कम गर्छ, जो डिमेन्सिया र मस्तिष्क लाई कमजोर गर्ने एक महत्वपूर्ण जोखिम को कारक हो ।

यद्यपि, घरपालुवा जनावरको स्वामित्व र मस्तिष्क गिरावटको दरहरू बीचको सम्बन्ध पूर्ण रूपमा अन्वेषण गरिएको छैन र हालको निष्कर्षहरू विवादास्पद छन्, शोध कर्ताहरूले उल्लेख गरे।


समाचार / स्वास्थ्य सामाग्री पढनु भएकोमा धन्यवाद । दोहरो संम्वाद को लागी मेल गर्न सक्नु हुन्छ । सम्पर्क इमेल : nepalhealthpress@gmail.com

तपाईको प्रतिक्रिया दिनुहोस