के तनावले मस्तिष्कलाई मात्र असर गर्छ? जान्नुस यसले कुन–कुन अङ्गमा हानि हुन्छ

आजकल धेरैजसो मानिस तनावको सिकार भइरहेका छन् । तनावले मानिसको जीवन शैलीलाई नराम्ररी बिगारिरहेको छ । तर के तपाइलाई थाहा छ, तनावले तपाइको दिमागलाई मात्र असर गर्दैन, यसले शरीरका धेरै अङ्गहरूको अवस्था बिगार्न सक्छ ।

अहिले सम्म तनावको नाम सुन्दा तपाइले सोचि रहनु भएको होला कि यसले व्यक्तिको मानसिक स्तरमा मात्रै असर गरिरहेको छ, तर यो त्यस्तो होइन। तनावले व्यक्तिको मानसिक अवस्था र शारीरिक स्तरलाई नराम्ररी असर गर्छ। किन भने आजको जीवन शैलीमा यो सबैको जीवनमा नया रूपमा देखा परेको छ ।

हो, यो सत्य हो कि तनाव लिएर मन सँगै शरीरका केही अङ्गहरूमा पनि त्यस्तै तनाव महसुस हुन्छ । तनावमा रहनुभयो भने शरीरले धेरै खतराको संकेत दिन्छ। यदि कसैलाई लामो समयदेखि यो समस्या छ भने यसले शरीरमा नकारात्मक असर गर्छ । आउनुहोस् जानौं तनावका कारण शरीरका कुन–कुन अङ्ग प्रभावित हुन्छन्।

तनावले शरीरको कुन अङ्गलाई असर गर्छ ?

• कुनै कुराको बारेमा सोच्न आवश्यक छ, तर यदि तपाइ कुनै कुराको बारेमा धेरै नकारात्मक सोच्दै हुनुहुन्छ भने, यसले तपाइको दिमाग मात्र होइन तपाइको मांसपेशीहरू लाई पनि नराम्रो असर गर्छ । यसले तपाई को मांसपेशीहरूमा कठोरता निम्त्याउँछ । धेरै तनावमा हुँदा मांसपेशीहरू कडा हुन्छन्। यो ढाड दुख्ने, काँधमा दुखाइको रूपमा देखिन्छ ।
• तनावमा रहनुले तपाइको पेटको समस्या पनि बढ्न सक्छ। जसका कारण पेटमा एसिडिटी, ग्याँस बढ्न थाल्छ । जसका कारण भविष्यमा पेट दुख्ने, पखाला लाग्ने वा कब्जियतको समस्या हुन्छ ।
• यदि तपाई लामो समयदेखि तनावबाट पीडित हुनुहुन्छ भने, यसले श्वास प्रश्वास सम्बन्धी समस्या पनि निम्त्याउन सक्छ । तनावले श्वास प्रश्वास प्रणालीमा नराम्रो असर गर्छ । जसका कारण मानिसहरूलाई सास फेर्न गाह्रो हुने गरेको छ ।
• तनाव बढ्दा तपाई को शरीरको प्रतिरक्षा प्रणाली (इम्युन सिष्टम) मा पनि नराम्रो असर पर्छ। यसले तपाई को प्रतिरक्षा प्रणालीलाई कमजोर बनाउँछ। लगातारको तनावका कारण शरीर निकै कमजोर हुन थाल्छ, जसका कारण अन्य रोगहरू हुन थाल्छन् ।
• तनावबाट मुक्त हुनको लागि सबैभन्दा पहिले आफ्नो जीवन शैलीमा परिवर्तन ल्याउनु पर्छ। यसका लागि नियमित योग, ध्यान, व्यायाम, पौष्टिक खाना खाने र राम्रो निद्रा लीन शुरु गर्नु पर्छ । यसका साथ साथै आफ्नो सोचलाई सकारात्मक राख्नु पर्छ ।

(अस्वीकरणः यहाँ दिइएको जानकारी घरेलु उपचार र सामान्य जानकारीमा आधारित छ। यसलाई अपनाउनु अघि चिकित्सा सल्लाह अवश्य लिनुपर्छ । नेपाल हेल्थ प्रेस ले यसको पुष्टि गर्दैन।)